నేడు గజల్‌ శ్రీనివాస్‌కు‘జీవన సాఫల్య పురస్కారం’
అనంతపురం,జ్యోతిన్యూస్‌ :
అనంతపురం జిల్లాలోని పెనుకొండ దర్గా 751 ఉర్సు ఉత్సవాల సందర్భంగా ప్రఖ్యాత గజల్‌ గాయకులు, మూడుసార్లు గిన్నీస్‌ ప్రపంచ రికార్డుల సృష్టికర్త, ప్రపంచశాంతి సాంస్కృతిక దూత డాక్టర్‌ గజల్‌ శ్రీనివాస్‌కు ప్రతిష్టాత్మకమైన‘‘పెనుకొండ దర్గా జాతీయ సమైక్యతా జీవన సాఫల్య పురస్కారం-2023’’ను డిసెంబర్‌ 25న సాయంత్రం పెనుకొండ దర్గా ఉరుసు ఉత్సవంలో లక్షలాదిమంది భక్తుల సమక్షంలో ప్రదానం చేయనున్నట్లు పీఠాధిపతి తాజ్‌ బాబా తెలిపారు.అనంతరం డాక్టర్‌ గజల్‌ శ్రీనివాస్‌ జాతీయ సమైక్యత మరియు సూఫీ గజళ్లు ఉర్దూ, తెలుగు భాషలలో గానం చేస్తారని నిర్వాహకులు తెలిపారు.