మంగళపల్లి లో గాంధీ జయంతి వేడుకలు

ఆమనగల్ మండల పరిధిలోని మంగళపల్లిలో శుక్రవారం మహాత్మా గాంధీ 151వ జయంతి వేడుకలు గ్రామ బీజేపీ శాఖ ఆధ్వర్యంలో నిర్వహించారు. గ్రామ సర్పంచ్ తిప్పిరెడ్డి నర్సింహా రెడ్డి ఆధ్వర్యంలో బీజేపీ నాయకులు బాపూజీ చిత్రపటానికి పూలమాలలు వేసి నివాళులు అర్పించారు. అహింస ఆయుధంతో తెల్ల దొరలను దేశం నుంచి తరిమికొట్టిన యోధుడు, ప్రపంచ దేశాలకు స్ఫూర్తి ప్రదాత బాపూజీ అని నాయకులు అన్నారు. ఈ కార్యక్రమంలో వార్డ్ మెంబర్ కొమరయ్య,బీజేపీ అధ్యక్షులు జంగయ్య, వరికుప్పల శ్రీనివాస్, శ్రీశైలం, గణేష్, మండల బీజేవైఎం కార్యదర్శి వరికుప్పల రాఘవ పాల్గొన్నారు.